Toshkent, O‘zbekiston (UzDaily.uz) — "UZCOSMOS" agentligi, BMT Oziq-ovqat va qishloq xo'jaligi tashkiloti (FAO) hamda SEHRIYO maktabi hamkorligida 2025-yil 3-may kuni Toshkent viloyati, O'rta Chirchiq tumanidagi Toytepa shahrida joylashgan "Yangi Hayot" eski aerodromida CanSat Uzbekistan 2025 tanlovining final bosqichi bo'lib o'tadi.

Tadbir soat 10:00 da boshlanadi va unda O'zbekistonning barcha hududlaridan kelgan iqtidorli yosh muhandislar tomonidan yaratilgan innovatsion sun'iy yo'ldosh modellari namoyish etiladi. Musobaqa davomida maktab o'quvchilari va talabalar tomonidan yaratilgan kichik sun'iy yo'ldoshlarni (CanSat) o'quv raketa modellarida uchirilishi tashkil etiladi.

Bu musobaqa O'zbekistonda kosmik texnologiyalarni rivojlantirishda muhim bosqich hisoblanadi. Ushbu tadbir yangi avlod muhandislari va kosmos ishqibozlariga ilhom berish, shuningdek, aerokosmik ta'limning amaliy qo'llanilishini targ'ib qilishga qaratilgan.

Kun dasturi quyidagilarni o'z ichiga oladi:

Final bosqichining tantanali ochilishi

Jamoalar va loyihalarning taqdimoti

CanSat modullari bilan raketalarni uchirish

G'oliblarni taqdirlash marosimi

Kosmik texnologiyalar bilan tanishish va o'rganish imkoniyatlari

Tanlov O'zbekistondagi eng iqtidorli yosh muhandislar va kosmos ishqibozlarini birlashtiradi, ularga o'zlarining texnik ko'nikmalari va kosmik texnologiyalardagi innovatsion g'oyalarini namoyish etish uchun platforma yaratib beradi.

Tadbir keng jamoatchilik uchun ochiq bo'ladi va kirish bepul. Barcha kosmos ishqibozlari, ta'lim muassasalari va oilalarni tashrif buyurishlari mumkin.

Bu yuqori texnologiyalar olami bilan tanishish va O‘zbekiston kosmik texnologiyalar rivojlanishida yangi bosqich paydo bo‘lganiga guvoh bo‘lish uchun noyob imkoniyatdir.