Toshkent, O‘zbekiston (UzDaily.uz) — «Yagona umumrespublika protsessing markazi» AJ rejadan tashqari profilaktika ishlari yakunlanganini maʼlum qildi.

Barcha texnik chora-tadbirlar muvaffaqiyatli amalga oshirilib, protsessing xizmatlari to‘liq ishchi holatga qaytdi.

Mobil ilovalar faoliyati to‘liq tiklandi, UZCARD bank kartalari orqali barcha operatsiyalarni amalga oshirish yana yo‘lga qo‘yildi.

Kompaniya mijozlarga vaqtinchalik cheklovlar davridagi tushunganlari va sabr-toqatlari uchun minnatdorchilik bildirdi hamda yetkazilgan noqulayliklar uchun uzr so‘radi.