Uzbekistan Airways samolyoti texnik nosozlik sabab Krasnoyarskda favqulodda qo‘nishni amalga oshirdi

Toshkent, O‘zbekiston (UzDaily.uz) — 21 yanvar kuni Uzbekistan Airways aviakompaniyasiga tegishli samolyot texnik sabablarga ko‘ra Krasnoyarsk aeroportida favqulodda qo‘nishni amalga oshirdi, deya xabar berdi aeroport matbuot xizmati.

Hodisa mahalliy vaqt bilan soat 14:46 da sodir bo‘lgan. Toshkent — Vladivostok yo‘nalishi bo‘yicha HY707 reysini bajarayotgan Boeing 767-300 havo kemasi texnik nosozlik aniqlanganidan so‘ng Krasnoyarskda qo‘nishga majbur bo‘lgan.

Samolyot bortida 122 nafar yo‘lovchi va ekipaj aʼzolari bo‘lgan. Jabrlanganlar haqida maʼlumot kelib tushmagan. Krasnoyarsk aeroportining barcha xizmatlari tezkor ravishda to‘liq shay holatiga keltirilgan. Qo‘nish muammosiz va belgilangan parvoz xavfsizligi tartib-qoidalariga to‘liq muvofiq ravishda amalga oshirildi.

Hodisadan so‘ng Krasnoyarsk aeroporti faoliyati odatiy rejimda davom etmoqda.