Uzbekistan Airways 27 oktyabrdan Andijon bilan Sankt-Peterburg o‘rtasida to‘g‘ridan-to‘g‘ri reyslarni yo‘lga qo‘yadi

Toshkent, O‘zbekiston (UzDaily.uz) — Uzbekistan Airways aviakompaniyasi Andijon — Sankt-Peterburg — Andijon yo‘nalishi bo‘yicha muntazam reyslar boshlanishini eʼlon qildi. Milliy aviayo‘lovchi matbuot xizmati maʼlum qilishicha, ilk parvoz 27 oktyabr kuni amalga oshiriladi.

Jadvalga ko‘ra, reyslar haftasiga bir marta — chorshanba kunlari amalga oshiriladi.

Andijondan Sankt-Peterburgga parvoz davomiyligi 5 soat 35 daqiqa, orqa yo‘nalish bo‘yicha esa 4 soat 55 daqiqa bo‘ladi.

Parvozlar jadvali (mahalliy vaqtda):

— Andijondan uchish 10:00, Sankt-Peterburgga qo‘nish 13:35;

— Sankt-Peterburgdan uchish 15:05, Andijonga qo‘nish 22:00.