Toshkent, O‘zbekiston (UzDaily.uz) —  “O‘zbekiston aeroportlari” ijtimoiy tarmoqlarda Toshkent xalqaro aeroportida talab qilinmagan yuklarni sotish uchun xayriya aksiyasi o‘tkazilayotgani haqidagi xabarlarni rad etdi.

O‘zbekiston aeroportlarining birortasi, shuningdek, "UzCargo" va "Uzbekistan Airports Handling" MChJlari tomonidan yo‘lovchilarning unutilgan yuklari sotilmaydi va uchinchi shaxslarga topshirilmaydi. Barcha yo‘qolgan yuklar aeroport omborlarida 3 oy mobaynida saqlanadi va saqlash muddati tugashi bilan utilizatsiya qilinadi.

Uzbekistan Airports fuqarolarga yolg‘on ma’lumotlarga ishonmaslikni va firibgarlarga pul o‘tkazmaslikni qat’iy tavsiya qiladi.