UzAuto Motors O‘zbekistonda yangi Chevrolet Traverse Z71 yo‘ltanlamasini sotuvga chiqarmoqda

Toshkent, O‘zbekiston (UzDaily.uz) — «UzAuto Motors» AJ yangi Chevrolet Traverse Z71 yo‘ltanlamas avtomobilini xarid qilish bo‘yicha shartnomalar tuzish boshlanganini maʼlum qildi. Avtomobilni kompaniyaning barcha rasmiy dilerlaridan xarid qilish mumkin.

Chevrolet Traverse — qudrat, zamonaviy texnologiyalar va yuqori darajadagi yo‘ltanlamas imkoniyatlarini o‘zida mujassam etgan uch qatorli SUV hisoblanadi. Yangi versiya 328 ot kuchiga ega 2,5 litrli turbinaga ega to‘rt silindrli dvigatel bilan jihozlangan. Kuchaytirilgan osma tizimi, oshirilgan klirens va to‘liq yetakchi tizimi shahar sharoitida ham, yo‘lsiz hududlarda ham dinamik harakat, yuqori tortish kuchi va barqaror boshqaruvni taʼminlaydi.

Traverse tashqi ko‘rinishi yana-da yaqqol yo‘ltanlamas xarakteriga ega bo‘ldi: qora radiator panjarasi, kuzovning mat himoya elementlari, qizil buksirlash ilgaklari va eksklyuziv emblemalar modelni yirik krossoverlar segmentida ajratib turadi. Yangilangan old va orqa qismlar, shuningdek, yangi 18 dyuymli g‘ildirak disklari avtomobilning zamonaviy qiyofasini yana-da kuchaytiradi.

Traverse saloni qulaylik va raqamli texnologiyalarga yo‘naltirilgan. Multimedia tizimining markaziy displei 17,7 dyuym, raqamli asboblar paneli esa 11 dyuym diagonalga ega. Uch qatorli joylashuv barcha yo‘lovchilar uchun keng makon yaratadi, premium materiallar esa modelning maqomini taʼkidlaydi. Chevy Safety Assist faol xavfsizlik tizimlarining kengaytirilgan majmuasi haydovchi va yo‘lovchilar himoyasini oshiradi.

UzAuto Motors‘da taʼkidlanishicha, Chevrolet Traverse ko‘p qirralilik va harakat erkinligini qadrlaydigan mijozlar uchun mo‘ljallangan bo‘lib, u kundalik shahar safarlaridan tortib, sayohatlar va faol dam olishgacha bo‘lgan ehtiyojlarni qondirishga mos keladi.

Yangilangan Chevrolet Traverse Z71‘ning tavsiya etilgan chakana narxi 795 million so‘mni tashkil etadi.