Toshkent, O‘zbekiston (UzDaily.uz) — «UzAuto Motors» aksiyadorlik jamiyati tarixiy yutuqqa erishdi — Asakadagi avtozavod konveyeridan yubiley sifatida besh millioninchi avtomobil tushdi.

Bu avtomobil zamonaviy va ishonchli Onix bo‘ldi.

Bu ko‘rsatkich korxonaning izchil taraqqiyoti, ishlab chiqarish quvvatlarining bosqichma-bosqich kengayishi va modellar turkumini kengaytirishdagi muvaffaqiyatlarini aks ettiradi.

Eslatib o‘tamiz:

Bir millioninchi avto — Lacetti — 2008 yilda ishlab chiqarilgan;

Ikki millioninchi avto — Gentra — 2014 yilda;

Uchinchi million — Spark — 2018 yilda;

To‘rt millioninchi avtomobil — Tracker — 2022 yilda ishlab chiqarilgan edi.

Endi esa, 2025 yilda, besh millioninchi avtomobil sifatida Onix UzAuto Motors tarixidagi yangi bosqich ramziga aylandi.