Turkiyadan kiberfiribgarlikda gumonlanayotgan shaxs O‘zbekistonga deportatsiya qilindi

Toshkent, O‘zbekiston (UzDaily.uz) — Turkiyadan kiberfiribgarlikda gumonlanayotgan 20 yoshli O‘zbekiston fuqarosi deportatsiya qilindi.

Bu haqda O‘zbekistonning Istanbuldagi Bosh konsulxonasi matbuot xizmati xabar berdi.

Maʼlumotlarga ko‘ra, Umid Zohirjonov pul mablag‘larini o‘zlashtirish va o‘ndan ortiq vatandoshlarini aldashda gumonlanmoqda. Uni joylashgan manzili aniqlangach, Turkiya hokimiyatlari tomonidan qo‘lga olingan va vataniga deportatsiya qilingan.

Bosh konsulxona fuqarolarni, gumonlanuvchining harakatlaridan jabr ko‘rgan bo‘lsalar, O‘zbekiston Respublikasi Ichki ishlar vazirligiga, uning hududiy bo‘linmalariga yoki to‘g‘ridan-to‘g‘ri konsulxonaga murojaat etishga chaqirdi.