Toshkentdagi xorijiy kompaniya hisoblariga qo‘yilgan noqonuniy cheklovlar olib tashlangandan so‘ng faoliyati tiklandi

Toshkent, O‘zbekiston (UzDaily.uz) — Toshkentdagi xorijiy kompaniya MCHJ “B.H.D.” Biznes-ombudsmanning aralashuvidan so‘ng faoliyatini tikladi. Ombudsman kompaniyaning bank hisoblariga noqonuniy ravishda qo‘yilgan cheklovlarni bekor qilishga erishdi.

Kompaniya ombudsmanga murojaat qilganidan so‘ng, uning faoliyati hisoblarga cheklov qo‘yilgani sababli to‘xtatilgan edi.

Aniqlanishicha, Toshkent tumanlararo iqtisodiy sudining qaroriga ko‘ra, jamiyatdan Toshkent shahar qurilish va uy-joy kommunal xo‘jaligi sohasida hududiy nazorat qilish inspeksiyasi foydasiga 15 mln so‘m sud xarajati undirilishi belgilangan.

Tadbirkor ushbu mablag‘ni ijro ishi qo‘zg‘atilmasdan ancha oldin ixtiyoriy ravishda to‘lab bergan. Biroq, MIB Bektemir tuman bo‘limi oradan 3 oy o‘tib ijro ishi qo‘zg‘atgan va o‘sha kunning o‘zida jamiyatning bank hisob raqamlariga taqiq qo‘ygan.

To‘lov kvitansiyasi taqdim qilinganiga qaramay, davlat ijrochisi qonunda nazarda tutilmagan qo‘shimcha tasdiqlash xati talab qildi. Bu kompaniyaning moliyaviy faoliyatini to‘xtatdi va ish jarayonlari to‘xtashiga olib keldi.

Biznes-ombudsman tekshiruvidan so‘ng barcha noqonuniy cheklovlar bekor qilindi, ijroiy ish qonunchilikka muvofiq yakunlandi va ushlangan ijro yig‘imi tadbirkorga qaytarildi.

Cheklovlar qo‘yilgan holatlar yuzasidan ijroiya xizmati xodimiga nisbatan intizomiy chora ko‘rish bo‘yicha taqdimnoma kiritildi.