Toshkentdagi avtobus bekatida MAN avtobusi yonib ketdi, hech kim jabrlanmagan

Toshkent, O‘zbekiston (UzDaily.uz) — "Toshshahartransxizmat" AJ o'zining 5-avtobus saroyida sodir bo'lgan yong'in haqida izoh berdi.

Kompaniya matbuot xizmatining xabar berishicha, 2026-yil 13-yanvar kuni taxminan soat 02:03 da 01 903 OJA davlat raqamiga ega (saroy raqami 012) 2018-yilda ishlab chiqarilgan MAN A22 CNG avtobusi yonib ketdi. Filial navbatchi nozimalari bu haqda soat 02:10 da 101 favqulodda raqamiga xabar berishdi.

Favqulotda vaziyatlar boshqarmasi o‘t o‘chirish bo‘linmasi soat 02:20da filial hududiga yetib kelgan va yong‘in soat 02:40da to‘liq bartaraf etilgan.

Mazkur avtobusga biriktirilgan haydovchi Maxmudov Murodjon (1979-yilda tug‘ilgan, umumiy ish staj 10 yil, filialda 3 yil) 101-sonli yo‘nalishda harakatlangan bo‘lib, 2026-yil 12-dekabr kuni soat 04:16da navbatchi mexaniklar tekshiruvidan o’tib avtobusni texnik soz holatda soat 05:33 da filial hududidan olib chiqqan hamda yo‘nalishda qatnovlarni to’liq bajarib soat 22:00larda yakunlagan.

Shundan so‘ng haydovchi “Davron sifatli gaz” MCHJ gaz quyish shaxobchasiga borib, avtobusga gaz quydirgan va soat 23:29 da filial hududiga qaytib kelib avtobusni eshiklarini yopgan holda safga qo’ygan.

Mazkur holat Favqulodda vaziyatlar boshqarmasi tomonidan belgilangan tartibda rasmiylashtirilib, hozirda yong‘inning kelib chiqish sabablari o‘rganilmoqda. Tergov natijalari keyinroq e'lon qilinadi.