Toshkentda YTH: Hongqi va BYD to‘qnashdi, avtomobillardan biri ikkiga ajralib ketdi

Toshkent, O‘zbekiston (UzDaily.uz) — Toshkentda 3 dekabr kuni soat 10:25 da Olmazor tumanidagi 20/3-uy qarshisida, Kichkina halqa yo‘lida Hongqi va BYD avtomobillari ishtirokida yo‘l-transport hodisasi sodir bo‘ldi.

To‘qnashuv natijasida avtomobillardan biri jiddiy shikastlanib, ikki qismga ajralib ketdi. Har ikki mashina haydovchilariga hodisa joyida birinchi tibbiy yordam ko‘rsatildi.

Hodisa yuzasidan Toshkent shahar IIBB Yo‘l harakati xavfsizligi boshqarmasi xodimlari FVV bilan hamkorlikda tekshiruv ishlarini amalga oshirmoqda.