Toshkentda Yashnobod tumanida mikroavtobus yonib ketdi, jabrlanuvchilar yo‘q

Toshkent, O‘zbekiston (UzDaily.uz) — Ijtimoiy tarmoqlarda Toshkent shahar Yashnobod tumanida mikroavtobus yongani aks etgan video tarqaldi. Favqulodda vaziyatlar vazirligi voqeaga izoh berdi.

Vazirlik maʼlumotlariga ko‘ra, yong‘in 6 sentyabr kuni soat 18:44 da Farg‘ona yo‘li ko‘chasidagi uy oldida sodir bo‘lgan. Yongin-qutqaruv bo‘linmalari 18:50 da voqea joyiga yetib kelgan va 18:54 da yong‘in to‘liq bartaraf etilgan.

Jabrlanuvchilar yo‘q.

Hozirda yong‘inning sabablari o‘rganilmoqda va yetkazilgan moddiy zarar miqdori baholanmoqda.