Toshkentda Temuriylar tarixi davlat muzeyi rekonstruksiya uchun yopildi

Toshkent, O‘zbekiston (UzDaily.uz) — 25 fevraldan boshlab Toshkentdagi Temuriylar tarixi davlat muzeyi rekonstruksiya ishlarini olib borish maqsadida yopildi. Bu haqda O‘zbekiston Fanlar akademiyasi matbuot xizmati xabar qildi.

Rekonstruksiya ishlari doirasida muzey infratuzilmasini zamonaviy talablarga muvofiq modernizatsiya qilish, ekspozitsiyalarni kengaytirish va yangilash, shuningdek tashrif buyuruvchilar uchun yana-da qulay va interaktiv muhit yaratish rejalashtirilgan. Xabarda qayd etilishicha, muzeyni yangilash uning ilmiy, taʼlimiy va madaniy salohiyatini oshirishga qaratilgan.

Muzeyni joriy yil oxirigacha rekonstruksiya qilish O‘zbekiston prezidenti Shavkat Mirziyoyevning 5 fevraldagi qarorida nazarda tutilgan. 2026 yilda O‘zbekistonda buyuk sarkarda va Temuriylar imperiyasi asoschisi Amir Temur tavalludining 690 yilligi keng nishonlanadi.

Hujjatga muvofiq, aprel oyi Amir Temur oyi deb eʼlon qilingan, chunki u 1336 yil 9 aprelda tug‘ilgan.

Temuriylar tarixi davlat muzeyi 1996 yil 18 oktyabrda — Amir Temur tavalludining 660 yilligi nishonlangan yilda ochilgan bo‘lib, tashkil etilganidan buyon Temuriylar davri tarixiy merosini o‘rganish va ommalashtirish bo‘yicha asosiy markazlardan biri hisoblanadi.