Toshkentda pullik avtoturargohlarning qonuniyligi ko'rib chiqildi

Toshkent, O‘zbekiston (UzDaily.uz) — Poytaxtda pullik avtoturargohlarning qonuniyligi ko'rib chiqilmoqda.

Korrupsiyaga qarshi kurashish agentligi Jamoatchilik kengashining ma'lumotlariga ko'ra, Kengash Agentlik bilan pullik avtoturargohlar, jarayonlarning qonuniyligi va shaffofligini ta'minlash hamda oqilona narxlarni belgilash bo'yicha qo'shma tadqiqot o'tkazishni so'ragan.

Agentlik tomonidan mazkur so‘rov asosida o‘rganish ishlari boshlandi. Xususan, pulli avtoturargohlar tashkil etishning huquqiy asoslari va korrupsiyani keltirib chiqarishi mumkin bo'lgan bo‘shliqlar, ushbu amaliyotni joriy etishda raqobat va shaffoflik tamoyillariga rioya qilinishini baholashni qamrab oladi.

24-noyabr kuni Jamoatchilik kengashi a'zolari va Agentlik vakillaridan iborat ishchi guruh aholining noroziligiga sabab bo'layotgan bir nechta shahar ko'chalarida joyida tadqiqot o'tkazdi. Tadqiqot davomida tadbirkorlar va fuqarolarning fikrlari ham inobatga olindi.

O‘rganishlarda pulli avtoturargohlar aholiga qulaylik tug‘dirishi bilan birgalikda, ayrim o‘rinlarda mavjud bepul mashina qo‘yish joylarini berkitib, haydovchilarni pulli avtoturargohga qo‘yishga undash holatlari mavjudligi yoki yuklamasi ko‘p bo‘lgan ko‘chalarning qatnov qismiga chiziq chizish orqali tashkil etilgan avtoturargohlar tirbandliklarni keltirib chiqarayotgani ma’lum bo‘ldi.

O‘rganish yakunlari yuzasidan mas’ullar ishtirokida Agentlik Jamoatchilik kengashi eshituvini o‘tkazish hamda tegishli xulosa va takliflarni ishlab chiqish rejalashtirilgan.