Toshkentda Markaziy Osiyo yetakchilarining VII maslahat uchrashuviga tayyorgarlik muhokama qilindi

Toshkent, O‘zbekiston (UzDaily.uz) — 11–14-noyabr kunlari Toshkentda O‘zbekiston raisligida Markaziy Osiyo davlatlari rahbarlarining yettinchi Maslahat uchrashuvi masalalari bo‘yicha Milliy koordinatorlar kengashining navbatdagi yig‘ilishi bo‘lib o‘tdi.

Yig‘ilishda O‘zbekiston, Qozog‘iston, Qirg‘iziston, Tojikiston va Turkmanistonning tashqi siyosat idoralari vakillari ishtirok etdi.

Tadbir davomida joriy yilning 15–16-noyabr kunlari Toshkentda o‘tkaziladigan Markaziy Osiyo davlatlari rahbarlarining yettinchi Maslahat uchrashuvi yakuniy hujjatlari loyihalari ko‘rib chiqildi. Shuningdek, yaqinlashib kelayotgan sammitga tayyorgarlikning tashkiliy va mazmuniy jihatlari muhokama qilindi.

Yettinchi Maslahat uchrashuvi mintaqaviy o‘zaro aloqalarni mustahkamlash va ko‘p qirrali hamkorlikni kengaytirishda tarixiy ahamiyatga ega ekanligi alohida ta’kidlandi.