Toshkentda Istirohat ko‘chasidagi ikki qavatli binoda sodir bo‘lgan yong‘in bartaraf etildi

Toshkent, O‘zbekiston (UzDaily.uz) — Toshkent shahar Shayxontohur tumanida ikki qavatli binoda yong‘in sodir bo‘ldi, deb xabar berdi shahar qutqaruv xizmati.

26 noyabr kuni soat 14:54 da 112 tizimi orqali Istirohat ko‘chasida yong‘in yuz bergani haqida xabar kelib tushdi.

Shunga ko‘ra,  4 ta yong‘in-qutqaruv bo‘linmalari soat 15:03 da hodisa joyiga yetib borib, yong‘in soat 15:09 da o‘rab olingan va soat 15:15 da bartaraf etilgan.

Yong‘in oqibatida binoning taxminan 100 kv.m. maydonda tom va ichki qismi yonib zararlangan.

Hozirda yong‘in sabablarini aniqlash va yetkazilgan zarar miqdorini baholash ishlari olib borilmoqda.