Toshkent, O‘zbekiston (UzDaily.uz) — 27 fevral kuni Toshkent shahrining Mirzo Ulug‘bek tumanidagi Mustakillik ko‘chasida Chevrolet Orlando avtomashinasi yonib ketdi. Bu haqda Davlat Yo‘l harakati xavfsizligi inspeksiyasi matbuot xizmati xabar berdi.

Hodisa soat 13:13 da sodir bo‘lgan. Hodisa joyiga qutqaruvchilar tezkor yetib borib, yong‘inni tezda bartaraf etgan. Hayriyatki, hodisa oqibatida jabrlanuvchilar yo‘q.

Hozirda Yong‘in xavfsizligi inspeksiyasi va yong‘in xizmatlari hodisa sabablarini aniqlash uchun tekshiruv o‘tkazmoqda.