Toshkentda bahorda suv o‘chirish jadvali eʼlon qilindi

Toshkent, O‘zbekiston (UzDaily.uz) — Toshkentda 30 martdan 13 mayga qadar sovuq suv taʼminotining vaqtinchalik o‘chirilishi va suv tarmoqlarida bosimning pasayishi rejalashtirilgan. Buning sababi taʼmirlash-profilaktika ishlarini olib borish va bahor-yoz mavsumiga tayyorgarlik ko‘rish bilan bog‘liq, deya xabar qildi «Toshkent shahar suv taʼminoti».

Aholi yashaydigan hududlarda suv uzilib qolgan taqdirda, aholini suv bilan taʼminlash uchun suv tashish mashinalari jalb qilinadi.

Suv taʼminotidagi o‘chirishlar va bosimning pasayishi shaharning turli tumanlarida bosqichma-bosqich amalga oshiriladi. Jumladan, Uchtepa, Shayxontohur, Yashnobod, Mirzo Ulug‘bek, Sergeli, Olmazor, Chilonzor, Yakkasaroy, Yunusobod, Yangihayot va Mirobod tumanlarini qamrab oladi.

Ishlar ko‘plab mahallalar, turar joy massivlari, taʼlim, tibbiyot va maʼmuriy muassasalarni qamrab oladi.

Har bir bosqich ishlari yakunlangandan so‘ng, kommunal korxona tomonidan eʼlon qilingan jadvalga muvofiq suv taʼminoti to‘liq tiklanadi.