Toshkentda avtobuslar uchun ajratilgan yo‘laklar to‘siqlar bilan himoyalanadi

Toshkent, O‘zbekiston (UzDaily.uz) — Toshkentda jamoat transporti uchun ajratilgan yo‘laklar maxsus to‘siqlar bilan jihozlanadi. Bu haqda Yo‘l harakatini tashkil etish markazi matbuot xizmati xabar qildi.

Agentlik maʼlumotlariga ko‘ra, “A” yo‘laklari chegara chiziqlari bilan ajratilishi rejalashtirilgan. Bu avtobus yo‘nalishlarini aniq belgilaydi, ruxsatsiz transport vositalarining kirishiga yo‘l qo‘ymaydi va jamoat transportini tezlashtiradi.

Yo‘l harakatini tashkil etish markazi yangi tizim joriy etiladigan ko‘chalar ro‘yxati qo‘shimcha ravishda eʼlon qilinishini maʼlum qildi.