"The Athletic" nashri Abduqodir Xusanovni 2026-yilgi Jahon chempionatining eng yaxshi 100 nafar futbolchisi qatoriga kiritdi

Toshkent, O‘zbekiston (UzDaily.uz) — The Athletic nashri O‘zbekiston milliy jamoasi himoyachisi Abduqodir Husanovni 2026 yilgi jahon chempionatidagi eng yaxshi 100 futbolchi ro‘yxatiga kiritib, unga 86-o‘rinni berdi.

Reytingni Fransiya terma jamoasi hujumchisi Kilian Mbappe boshchilik qilmoqda. Ikkinchi o‘ringa Norvegiya forvardi Erling Holand, uchinchi o‘ringa esa Ispaniya termasi vingeri Lamin Yamal joylashdi. Birinchi o‘nlikka shuningdek Xarri Keyn, Pedri, Jud Bellingem, Vinisius Junior, Lionel Messi, Kevin de Breyne va Janluiji Donnarumma ham kirdi.

2026 yilgi jahon chempionati 11 iyundan 19 iyulgacha AQSH, Kanada va Meksikada o‘tkaziladi. Kengaytirilgan formatdagi musobaqada O‘zbekiston terma jamoasi ham ishtirok etadi va jami 48 ta milliy jamoa kurash olib boradi. Bugun guruh bosqichi tarkibini belgilaydigan qurʼa tashlash marosimi bo‘lib o‘tadi.