Texnik jihatdan tartibga solish sohasidagi islohotlar jadallashtiriladi

Toshkent, O‘zbekiston (UzDaily.uz) — “Texnik jihatdan tartibga solish sohasidagi islohotlarni ilg‘or xalqaro amaliyot asosida jadallashtirish chora-tadbirlari to‘g‘risida”gi Prezident Farmoni qabul qilindi.

Farmonga ko‘ra, Milliy sifat infratuzilmasini rivojlantirishning 2026 yil uchun asosiy maqsadli ko‘rsatkichlari etib quyidagilar belgilandi:

Barqaror rivojlanish uchun sifat infratuzilmasi indeksida O‘zbekiston Respublikasi o‘rnini kamiida 20 pog‘onaga ko‘tarish;

Xalqaro tarozi va o‘lchovlar byurosi tomonidan eʼtirof etilgan kalibrlash imkoniyatlari sonini 2,5 barobarga oshirish;

xalqaro darajada tan olingan akkreditatsiya xizmatlari ulushini kamida 80 foizga yetkazish.

Shuningdek, O‘zbekiston texnik jihatdan tartibga solish agentligi tizimidagi O‘zbekiston akkreditatsiya markazi Vazirlar Mahkamasi bo‘ysunuviga o‘tkaziladi.

O‘zbekiston ilmiy-sinov va sifat nazorati markazi faoliyati to‘xtatiladi hamda uning tarkibidagi muvofiqlikni baholash organlari tugatiladi.

O‘zbekiston standartlar instituti unga O‘zbekiston ilmiy-sinov va sifat nazorati markazini qo‘shib olish orqali qayta tashkil etiladi.

Texnik jihatdan tartibga solish sohasidagi islohotlar jadallashtiriladi

“Texnik jihatdan tartibga solish sohasidagi islohotlarni ilg‘or xalqaro amaliyot asosida jadallashtirish chora-tadbirlari to‘g‘risida”gi Prezident Farmoni (PF–25-son, 16.02.2026 y.) qabul qilindi.

Farmonga ko‘ra, Milliy sifat infratuzilmasini rivojlantirishning 2026 yil uchun asosiy maqsadli ko‘rsatkichlari etib quyidagilar belgilandi:

Barqaror rivojlanish uchun sifat infratuzilmasi indeksida O‘zbekiston Respublikasi o‘rnini kamiida 20 pog‘onaga ko‘tarish;

Xalqaro tarozi va o‘lchovlar byurosi tomonidan eʼtirof etilgan kalibrlash imkoniyatlari sonini 2,5 barobarga oshirish;

xalqaro darajada tan olingan akkreditatsiya xizmatlari ulushini kamida 80 foizga yetkazish.

Shuningdek, O‘zbekiston texnik jihatdan tartibga solish agentligi tizimidagi O‘zbekiston akkreditatsiya markazi Vazirlar Mahkamasi bo‘ysunuviga o‘tkaziladi.

O‘zbekiston ilmiy-sinov va sifat nazorati markazi faoliyati to‘xtatiladi hamda uning tarkibidagi muvofiqlikni baholash organlari tugatiladi.

O‘zbekiston standartlar instituti unga O‘zbekiston ilmiy-sinov va sifat nazorati markazini qo‘shib olish orqali qayta tashkil etiladi.

Metrologiya sohasini xalqaro talablar bilan muvofiqlashtirish maqsadida 2027 yil 1 yanvardan boshlab:

o‘lchash vositalarini qiyoslash amaliyotidan voz kechgan holda, qonunlashtiruvchi metrologiya doirasida verifikatsiyalash tizimi joriy etiladi;

sanoatda foydalanilayotgan va mahsulot sifatiga bevosita taʼsir qiladigan o‘lchash vositalari kalibrlashga o‘tkaziladi va standart namunalarni attestatsiyadan o‘tkazish tartibi bekor qilinadi;

kalibrlash laboratoriyalarining Xalqaro tarozi va o‘lchashlar byurosi bazasida eʼtirof etilgan kalibrlash imkoniyatlari qayd etilgan yo‘nalishlari akkreditatsiyadan o‘tishdan ozod qilinadi.

2026/2027 o‘quv yilidan standartlashtirish, metrologiya va muvofiqlikni baholash yo‘nalishlarida tahsil olayotgan oliy taʼlim muassasalari talabalari uchun:

“Maxsus stipendiya” taʼsis etiladi;

rivojlangan davlatlar, xususan Yevropa Ittifoqining texnik jihatdan tartibga solish (Technical Regulation) tizimini o‘rganish modeli asosida dars soatlari joriy qilinadi;

so‘nggi 2 yilni xorijiy universitetda davom ettirishni nazarda tutuvchi “2+2” shaklidagi qo‘shma taʼlim dasturlari ishlab chiqiladi.