Toshkent, O‘zbekiston (UzDaily.uz) — O‘zbekiston tashqi ishlar vaziri Baxtiyor Saidov gruziyalik hamkasbi Maka Bochorishvili bilan muzokara o‘tkazdi.

Uchrashuvda ikki tomonlama hamkorlikning dolzarb masalalari, mintaqaviy va global kun tartibi yuzasidan mazmunli va har tomonlama fikr almashildi.

Tomonlar yaqin kelajakda hamkorlikni kengaytirish bo‘yicha aniq yo‘nalishlarni belgilab oldilar.

Vazirlar ikki mamlakat tashqi siyosat idoralari oldida katta salohiyatli hamkorlikni chuqurlashtirish uchun salmoqli salohiyat mavjudligini qayd etdilar.

Muloqotda biznes doiralarni yaqinlashtirish, turizm almashinuvlarini rivojlantirish, xalqlarimiz o‘rtasidagi aloqalarni mustahkamlash masalalariga alohida e’tibor qaratildi.

Uchrashuv yakunida O‘zbekiston va Gruziya Tashqi ishlar vazirliklari o‘rtasida 2025–2026 yillar uchun Hamkorlik dasturi imzolandi.