So‘m yilni pasayish bilan boshladi, lekin barqarorlashuvga umid bor

Toshkent, O‘zbekiston (UzDaily.uz) — 2025-yilning boshida o‘zbek so‘mi AQSH dollariga nisbatan qadrsizlanmoqda. 16-yanvarga kelib, 1 AQSH dollari 12 950 so‘mga teng bo‘ldi.

So‘nggi uch hafta mobaynida so‘m 0,20% ga pasaydi. Bu juda ham sekin pasayish sur’ati bo‘lib, avvalgi tendensiyani tasdiqlaydi.

2024-yil davomida so‘mning dollarga nisbatan kursi 4% ga tushib ketdi.

So‘m kursiga ta’sir ko‘rsatayotgan omillar quyidagilar:

• Rossiya rublining harakat yo‘nalishi, chunki rubl va so‘m o‘rtasida to‘g‘ridan to‘g‘ri bo‘lmasa-da, ma’lum korrelyatsiya mavjud;
• O‘zbekistonning savdo-iqtisodiy muvozanati tuzilmasi;
• O‘zbekistondagi inflyatsiya dinamikasi.

Global pul-kredit siyosati normallashuvi yil davomida so‘m kursiga ijobiy ta’sir ko‘rsatishi mumkin. Biroq, bu jarayonning faol bosqichi boshlanishi uchun bir yoki ikki chorak vaqt kerak bo‘ladi.

Yaqin haftalarda dollar/so‘m juftligi 12 950—13 050 so‘m oralig‘ida saqlanishi kutiladi.

Anna Bodrova, Alpari tahlilchisi