Toshkent, O‘zbekiston (UzDaily.uz) — 2025 yil 29 may holatiga ko‘ra, 1 AQSH dollari 12 826 so‘mga teng. Shu tariqa, bir hafta ichida O‘zbekiston milliy valyutasi 0,56%ga qimmatlashdi. Undan oldingi haftada esa so‘m 0,65%ga mustahkamlangan edi.

Bunday yo‘naltirilgan harakatlar may oyining birinchi yarmida kuzatilgan kurs tushishini maʼlum darajada bartaraf etdi. Natijada oy oxiriga kelib so‘m muayyan muvozanat holatiga chiqdi. May oyi davomida so‘m dollarga nisbatan 0,53%ga, yil boshidan esa 0,56%ga o‘sdi.

2025 yilning dastlabki besh oyi uchun global trend yot harakat (bokovoy trend) deb baholanmoqda, lekin umumiy tendensiya so‘mning mustahkamlanishiga qarab ketayotgani qayd etilmoqda.

Aprel oyida O‘zbekiston 1,91 mlrd dollarlik oltin eksport qildi. Yil boshidan buyon ushbu ko‘rsatkich 5,48 mlrd dollarni tashkil etdi. 2025 yilning to‘rt oyi davomida mamlakatning tashqi savdo aylanmasi 24,6 mlrd dollarni tashkil qildi — bu o‘tgan yilning shu davriga nisbatan 16,3%ga ko‘p. Bu o‘sish, asosan, eksportning 35,1%ga ko‘payib, 11,88 mlrd dollarni tashkil etgani hisobiga yuz berdi. Import esa faqat 2,9%ga o‘sib, 12,72 mlrd dollarni tashkil qildi. Natijada, savdo balansidagi kamomad 846,3 mln dollargacha qisqardi (2024 yilda 3,58 mlrd dollar edi).

Umumiy savdo o‘sishi fonida to‘qimachilik, avtomobil, cho‘yan va po‘lat, hamda neft mahsulotlari eksportida pasayish kuzatildi.

Xitoy 4,18 mlrd dollarlik aylanma bilan O‘zbekistonning eng yirik savdo hamkori bo‘lib qolmoqda. Uning ortidan Rossiya kelmoqda — 3,7 mlrd dollar. Biroq, Xitoy bilan savdo hajmi 5,6%ga oshgan bo‘lsa, Rossiya bilan savdo 3%ga kamaygan.

Analizlarga ko‘ra, mazkur maʼlumotlar so‘m uchun neytral taʼsirga ega.

Kelasi hafta dollar/so‘m jufti 12 800–12 960 so‘m oralig‘ida harakatlanishi kutilmoqda.

Anna Bodrova, Alpari tahlilchisi