Sloveniyalik ish beruvchilar samarqandlik mutaxassislarga qiziqish bildirmoqda

Toshkent, O‘zbekiston (UzDaily.uz) — Samarqand viloyati rahbari Sloveniya Bandlik xizmati bosh direktori Greta Metka Barbo Shkerbinch bilan muzokara olib bordi. Uchrashuvning asosiy e’tibor mehnat migratsiyasini tashkil etish va Sloveniya mehnat bozori uchun malakali mutaxassislar zaxirasini shakllantirish masalasiga qaratildi.

Eslatib o‘tamiz, joriy yilning may oyida O‘zbekiston Migratsiya agentligi rahbariyati va Sloveniya Bandlik xizmati o‘rtasida “Yo‘l xaritasi” imzolangan edi. Hujjat O‘zbekistonda Sloveniya standartlari bo‘yicha kasbiy o‘qitish dasturlarini yo‘lga qo‘yishni nazarda tutadi. Bu esa Yevropada talab yuqori bo‘lgan mutaxassislarni tayyorlash imkonini beradi.

Tomonlar kelishuvni amalga oshirish bo‘yicha amaliy chora-tadbirlarni muhokama qildilar. Sloveniya delegatsiyasi vakillari kelishuv doirasida zarur ko‘nikmaga ega bo‘lgan va til biladigan samarqandliklarni ishga olishga tayyorligini bildirdi.

Sloveniya delegatsiyasi vakillari Samarqand shahridagi o‘quv markazlariga borib, mutaxassislar tayyorlash jarayoni bilan ham tanishadilar.