Sindarov Nomzodlar musobaqasida yetakchilikni saqlab qoldi

Toshkent, O‘zbekiston (UzDaily.uz) — 5 aprel kuni o‘zbekistonlik grossmeyster Javohir Sindarov shaxmat bo‘yicha 2026 yilgi Nomzodlar musobaqasining yettinchi turida Anish Giri bilan durang o‘ynadi.

Partiya yakunlariga ko‘ra, Sindarov mumkin bo‘lgan 7 ochkodan 6 ochko to‘plab, turnir jadvalida yetakchilikni saqlab qolmoqda. Anish Giri esa 3,5 ochko bilan uchinchi o‘rinni egallab turibdi.

Turning boshqa partiyalarida ikkinchi o‘rinda borayotgan Fabiano Karuana ham Rameshbabu Praggnanandxa bilan durang qayd etdi. Karuananing hisobi 4,5 ochkoni tashkil etmoqda.

Sakkizinchi turda Javohir Sindarov Andrey Yesipenko bilan to‘qnash keladi.

2026 yilgi Turnir pretendentlari 29 martdan 15 aprelgacha Kiprda o‘tkazilmoqda. Unda dunyoning eng kuchli sakkiz nafar grossmeysteri, jumladan Xikaru Nakamura va Fabiano Karuana ishtirok etmoqda. Sindarov uchun bu musobaqa mazkur darajadagi ilk ishtirok hisoblanadi.

Musobaqa ikki davradan iborat bo‘lib, mukofot jamg‘armasi 500 ming yevroni tashkil etadi. Musobaqasi g‘olibi amaldagi jahon chempioni Dommaraju Gukeshga qarshi jahon shaxmat toji uchun o‘ynash huquqini qo‘lga kiritadi.