Shomurodov golli uzatmasi bilan “Bashakshexir”ning g‘alabali uchrashuviga hissa qo‘shdi

Toshkent, O‘zbekiston (UzDaily.uz) — «Istanbul Bashakshexir» safarda Turkiya chempionati doirasida “Karagyumryuk” jamoasini 2:0 hisobi bilan mag‘lub etdi.

Birinchi bo‘limda O‘zbekiston terma jamoasi hujumchisi Eldor Shomurodov raqib darvozasini ishg‘ol qildi, ammo VAR golni bekor qilindi.

Tanaffusdan keyin Shomurodov Ivan Brnichga aʼlo darajada pas uzatib, unga hisobni ochish imkonini yaratdi.

Shundan so‘ng maydon egalari himoyachisi Anil Yigit Jinar avtogol urib, mehmonlar ustunligini mustahkamladi.

Bu g‘alaba “Bashakshexir”ga uch ochko olish imkonini berdi va Shomurodov yana bir bor jamoaning asosiy yetakchi futbolchilaridan biri sifatida namoyon bo‘ldi.