Toshkent, O‘zbekiston (UzDaily.uz) — O‘zbekiston Respublikasi delegatsiyasining Moskvaga tashrifi doirasida O‘zbekiston Prezidenti matbuot kotibi Sherzod Asadov Rossiya Federatsiyasi Prezidentining matbuot kotibi — Prezident Maʼmuriyati rahbari o‘rinbosari Dmitriy Peskov bilan uchrashuv o‘tkazdi.

Tomonlar axborot sohasidagi hamkorlikning dolzarb masalalari va istiqbolli yo‘nalishlarini, jumladan, kadrlar tayyorlash va mediakommunikatsiyalar sohasida kasbiy mahoratini oshirish masalalarini muhokama qilishdi.

Davlat rahbarlari matbuot xizmatlari o‘rtasidagi hamkorlik, tajriba almashinuvi va strategik kommunikatsiyalarga zamonaviy yondashuvlarni ishlab chiqish masalalariga alohida eʼtibor qaratildi. Media muhitining tezkor o‘zgarishi va raqamli platformalar taʼsirining ortishi sharoitida xodimlarning malakasini muntazam oshirish muhimligi taʼkidlandi.

Shuningdek, axborot siyosati va o‘zbek-rus munosabatlarini media bilan hamrohlik qilish sohasida qo‘shma tashabbuslarni amalga oshirish rejalari ko‘rib chiqildi. Ikki mamlakatning tegishli tuzilmalari o‘rtasidagi hamkorlikni chuqurlashtirish, kasbiy aloqalarni mustahkamlash va muloqotni kengaytirishga o‘zaro tayyorlik alohida qayd etildi.