Serbiya delegatsiyasi Oʻzbekiston texnoparkiga tashrif buyurdi

Toshkent, O‘zbekiston (UzDaily.uz) — TEXNOPARK'ga Serbiya Bosh vazirining o‘rinbosari - Iqtisodiyot vaziri Adriana Mesarovich boshchiligidagi hukumat delegatsiyasi tashrif buyurdi.

Tashrif doirasida mehmonlarga ishlab chiqarish jarayonlari, zamonaviy texnologik liniyalar, mahsulot sifatini nazorat qilish tizimi, shuningdek, ishlab chiqarish korxonalarining eksport salohiyati taqdim etildi.

Keng turdagi sanoat elektrotexnika mahsulotlari, maishiy texnika va qurilish materiallari, ularning ichki va tashqi bozordagi o‘rni haqida batafsil ma’lumot berildi.

Uchrashuvda ikki tomonlama hamkorlik va o‘zaro manfaatli savdo masalalari muhokama qilindi.