Senatda Koreya-O‘zbekiston parlament do‘stlik guruhi raisi bilan uchrashuv bo‘lib o‘tdi

Toshkent, O‘zbekiston (UzDaily.uz) — Joriy yilning 21 noyabr kuni Oliy Majlis Senati Raisining birinchi o‘rinbosari Sodiq Safoyev Koreya Respublikasi Milliy Assambleyasining Madaniyat, turizm va sport qo‘mitasi raisi va “Koreya-O‘zbekiston” parlament do‘stlik guruhi rahbari Kim Gyo Xon bilan uchrashdi.

Suhbat davomida O‘zbekiston-Koreya munosabatlarining hozirgi holati va ularni, shu jumladan, ikki tomonlama parlamentlararo hamkorlik orqali yana-da rivojlantirish istiqbollari muhokama qilindi.

O‘zbekiston va Koreya Respublikasi ishonch, do‘stlik va o‘zaro qo‘llab-quvvatlashga asoslangan uzoq muddatli sheriklikni izchil rivojlantirayotgani taʼkidlandi.

Ikki davlat rahbarlarining 2025 yil sentyabr oyida BMT Bosh Assambleyasining 78-sessiyasi doirasida bo‘lib o‘tgan uchrashuvi ikki tomonlama aloqalarga yana-da turtki bergani qayd etildi.

Suhbat davomida so‘nggi yillarda ikki mamlakat parlamentlari o‘rtasidagi o‘zaro aloqalar yangi va doimiy xususiyatga ega bo‘lgani alohida taʼkidlandi. Ikkala mamlakat parlamentlari sog‘liqni saqlash, raqamli texnologiyalar, iqlim kun tartibi, sport va boshqa sohalarda muloqotni chuqurlashtirish uchun katta salohiyatga ega ekanligi qayd etildi.

Uchrashuv yakunida parlamentlararo hamkorlikni yana-da faollashtirish va oliy darajada erishilgan O‘zbekiston-Koreya kelishuvlarining o‘z vaqtida va sifatli amalga oshirilishi  ustidan parlament nazoratini taʼminlash bo‘yicha kelishuvga erishildi.