Toshkent, O‘zbekiston (UzDaily.uz) — Milliy statistika qo‘mitasi maʼlumotlariga ko‘ra, 2025 yil yanvar–mart oylari davomida O‘zbekistonda 19 212 ta kichik tadbirkorlik subyekti (fermer va dehqon xo‘jaliklarisiz) qayd etildi.

Bu ko‘rsatkich 2024 yilning shu davriga nisbatan 1,4% ga oshgan bo‘lib, mamlakatda kichik biznes rivojlanishidagi ijobiy tendensiya saqlanayotganini anglatadi.

Iqtisodiy faoliyat turlari bo‘yicha yangi tashkil etilgan subyektlarning taqsimoti tahlili quyidagicha:

Savdo sohasi — 7 253 ta

Qishloq, o‘rmon va baliqchilik xo‘jaligi — 2 631 ta

Sanoat — 2 310 ta

Turar joy va ovqatlanish xizmatlari — 1 618 ta

Qurilish — 1 108 ta

Axborot va aloqa — 741 ta

Transport va saqlash — 620 ta

Sog‘liqni saqlash va ijtimoiy xizmatlar — 360 ta

Boshqa sohalar — 2 571 ta

Shu tariqa, savdo sohasi mamlakatda kichik tadbirkorlikni rivojlantirishda yetakchi yo‘nalish sifatida qolmoqda.