Sanoat va savdo vazirligi rahbari Pokistonning yetakchi kompaniyalari bilan bir qator muzokaralar o'tkazdi

Toshkent, O‘zbekiston (UzDaily.uz) — 2026-yil 30-yanvardan 2-fevralgacha Islomobod shahrida O‘zbekiston Respublikasi Investitsiyalar, sanoat va savdo vaziri Laziz Kudratov Pokistonning yetakchi kompaniyalari rahbarlari bilan qator uchrashuvlar o‘tkazdi hamda Hukumatlararo komissiyaning 10-yig‘ilishida ishtirok etdi.

Muzokaralar National Logistics Cell (NLC), Habib Rafiq (Private) Limited, HRL Group, National Fruit, Engro, National Radio & Telecommunication Corporation (NRTC), Fatima Group, Herbion kompaniyalari, shuningdek Diamond Group, Diners, Hub Leather, Siddiq Leather, Royal Leather vakillari va boshqa hamkorlar bilan olib borildi. Yakunlari bo‘yicha bir qator yirik qo‘shma loyihalar va shartnomalarning portfeli shakllantirildi.

“Karachi – Kashgar – Osh – Andijon” muqobil yo‘nalishini rivojlantirish, to‘qimachilik sohasida qo‘shma korxonalar tashkil etish, geologiya, farmatsevtika hamda oziq-ovqat xavfsizligi yo‘nalishlarida loyihalarni amalga oshirish bo‘yicha kelishuvlarga erishildi.

2-fevral kuni Hukumatlararo komissiyaning 10-yig‘ilishi bo‘lib o‘tdi. Hamkorlikning strategik xususiyati yana bir bor tasdiqlandi, Transafg‘on temir yo‘li bo‘yicha dala ishlarini boshlash hamda Komissiya faoliyatini muntazam yangi formatda yo‘lga qo‘yish yuzasidan kelishuvlarga erishildi.