Toshkent, O‘zbekiston (UzDaily.uz) — Samarqandda “Suv bog‘rida” (“Samarqand Riviera”) turistik majmuasini qurish loyihasi taqdimoti bo‘lib o‘tdi.

Samarqand viloyati hokimi vazifasini bajaruvchi Adiz Boboyev va tegishli mas'ullar ishtirok etgan mazkur taqdimotda viloyatda “Suv bag‘rida" ya’ni "Samarkand Riviera” nomli yirik turizm majmuasini barpo etish loyihasi ko‘rib chiqildi.

Hokimlik matbuot xizmati xabariga ko‘ra, ushbu loyiha doirasida tunu kun faoliyat yuritadigan gastronomik ko‘cha, akvapark, akvanarium va bolalar uchun yashil bog’lar va boshqa ko‘ngilochar hamda turizm xizmatlari tashkil etilishi nazarda tutilgan.

Viloyat rahbari turizm xizmatlari turlarini kengaytirish, bu sohada bandlikni taʼminlashga alohida eʼtibor qaratilishi lozimligini taʼkidladi.

Bundan tashqari, Samarqand shahrining dizayn kodi taqdimoti ham o‘tkazildi. Ushbu loyiha kelgusida shahar brendi sifatida shakllanib, turizm oqimini kengaytirish va turizm marketingini rivojlantirishga hissa qo‘shishi kutilmoqda.