Samarqandda erkakning oshqozonidan 200 grammdan ortiq mix va samorez olib tashlandi

Toshkent, O‘zbekiston (UzDaily.uz) — 29 yoshli erkak qorin sohasida kuchli og'riq bilan Respublika shoshilinch tibbiy yordam ilmiy markazining Samarqand filialiga yotqizildi, deb xabar berdi muassasa matbuot xizmati.

Diagnostika va laboratoriya tekshiruvlari bemorning oshqozon-ichak traktida ko'p miqdordagi metall buyumlar - mixlar va samorez borligini aniqladi.

Natijada shoshilinch jarrohlik amaliyotini o'tkazish to'g'risida qaror qabul qilindi.

Bemorga laparotomiya va gastrostomiya qilindi. Qorin bo'shlig'idan taxminan 200 gramm metall buyumlar olib tashlandi.

Markazning yuqori toifali shifokori Yo'ldosh Qulievning so'zlariga ko'ra, operatsiya taxminan bir soat davom etgan.

Dastlabki ma'lumotlarga ko'ra, erkak kuchli stress ostida bo'lgan va o'z harakatlarini nazorat qila olmagan holda metall buyumlarni yutib yuborgan. Hozirda uning ahvoli qoniqarli va u erkin harakatlana oladi.