Sakkiz oy ichida Toshkentda 4 350 ta YTH qayd etildi

Toshkent, O‘zbekiston (UzDaily.uz) — 2025 yil yanvar–avgust oylari mobaynida Toshkent shahrida jami 4 350 ta yo‘l-transport hodisasi qayd etildi. Bu ko‘rsatkich o‘tgan yilning shu davriga nisbatan 13% kam, 5 008 ta holat kuzatilgan edi.

Sakkiz oyda eng ko‘p YTH Yunusobod tumanida qayd etilgan — 561 ta. Chilonzor (555) va Yashnobod (554) tumanlarida ham deyarli shuncha holat sodir bo‘lgan.

Mirzo-Ulug‘bek tumanida 475 ta, Shayxontohur — 363 ta, Olmazor — 337 ta hodisa ro‘y bergan. Uchtepa —316 ta, Sergeli — 288 ta, Mirobod tumanida — 269 ta holat qayd etilgan.

Bektemir tumanida 217 ta, Yakkasaroy tumanida — 210 ta, Yangixayot tumanida esa 205 ta YTH sodir bo‘lgan.