Saidov Yaqin Sharqdagi vaziyatni Bahrayn tashqi ishlar vaziri bilan muhokama qildi

Toshkent, O‘zbekiston (UzDaily.uz) — 1 mart kuni Oʻzbekiston Respublikasi tashqi ishlar vaziri Baxtiyor Saidov Bahrayn Qirolligi tashqi ishlar vaziri Abdullatif bin Rashid Alzayani bilan telefon orqali suhbatlashdi.

Tomonlar Yaqin Sharqdagi voqealarni muhokama qilishdi va hozirgi voqealarning mintaqaviy xavfsizlikka taʼsiri boʻyicha fikr almashishdi. Vazir Saidov Oʻzbekiston Respublikasi Prezidenti Shavkat Mirziyoyevning Bahrayn rahbariyati va xalqiga birdamlik soʻzlarini yetkazdi.

Suhbat davomida mintaqada barqarorlik va xavfsizlikni ta'minlash uchun xalqaro huquqqa qat'iy rioya qilish muhimligi ta'kidlandi.