Saidov BAA tashqi ishlar vaziri bilan Yaqin Sharqdagi vaziyatni muhokama qildi

Toshkent, O‘zbekiston (UzDaily.uz) — 1 mart kuni O'zbekiston Respublikasi tashqi ishlar vaziri Baxtiyor Saidov BAA Bosh vaziri o'rinbosari va tashqi ishlar vaziri Shayx Abdulloh bin Zayd Ol Nahayon bilan samarali telefon suhbati o'tkazdi.

Tomonlar Yaqin Sharqdagi vaziyatni batafsil muhokama qilishdi. Vazir Saidov Birlashgan Arab Amirliklariga birdamlik bildirib, O'zbekiston Respublikasi Prezidenti Shavkat Mirziyoyev nomidan samimiy hamdardlik so'zlarini yetkazdi.

Suhbat davomida barcha yuzaga keladigan muammolarni tinch yo'l bilan hal qilish, davlat suvereniteti va hududiy yaxlitligini hurmat qilish hamda xalqaro huquqqa to'liq rioya qilish muhimligi ta'kidlandi.