Toshkent, O‘zbekiston (UzDaily.uz) — Yaqin kunlarda Samarqand shahrida Rossiya Federatsiyasining General konsulligi ish boshlaydi. Bu haqda Rossiya Tashqi ishlar vaziri o‘rinbosari Sergey Ryabkov Moskvada O‘zbekiston mustaqillik kuniga bag‘ishlab tashkil etilgan qabul marosimida maʼlum qildi, deya xabar bermoqda TASS.

«Rossiyaning Samarqanddagi General konsulligini tashkil etish ishlari yakuniga yetmoqda. Konsullik ochilishi endi yaqin vaqt ichida amalga oshadi», — dedi Ryabkov.

Uning taʼkidlashicha, bu qadam ikki davlatning «o‘zaro munosabatlarni, jumladan, mintaqaviy hamkorlikni kuchaytirishga intilayotganining yana bir tasdig‘i» bo‘ladi.

Samarqandda konsulxona ochish orqali Rossiya o‘z fuqarolari uchun konsullik xizmatlaridan foydalanishni osonlashtirishni rejalashtirmoqda. Bu ayniqsa shaharda va uning atrofida katta sonda Rossiya fuqarolari va hamvatanlari istiqomat qilayotganini hisobga olganda muhim ahamiyatga ega.