Raqamlashtirish tez tibbiy yordamning ishlashiga yordam beradi

Toshkent, O‘zbekiston (UzDaily.uz) — Bugungi kunda barcha sohalar qatori tez tibbiy yordam sohasida ham raqamli texnologiyalarni joriy etish ishlari jadal olib borilmoqda.

Bunga tez tibbiy yordamning dispetcherlik jarayonlari, kuch va vositalarini boshqarishga mo‘ljallangan maxsus elektron tez tibbiy yordam bo‘yicha elektron avtomatlashtirilgan boshqaruv tizimi (MedData 103) joriy etilishi, shuningdek, joriy yilning avgust oyida ishga tushirilgan Yandex Uzbekistan bilan qo‘shma loyiha tufayli erishildi.

“Drayver bo‘lgan raqamlashtirish samaradorlikni oshiradi, avtomatlashtiradi, optimallashtiradi va yangi imkoniyatlar yaratadi. Yandex Uzbekistan kabi yirik texnologik hamkorlar bizni bu borada qo‘llab-quvvatlayotganidan mamnunmiz” - dedi Respublika tez tibbiy yordam markazi direktori Abduvoitjon Gafurov.

Elektron avtomatlashtirilgan tizimni joriy etish, shuningdek, umuman raqamli texnologiyalarni joriy etish hisobiga:

chaqiruvni qabul qilish vaqti 6-8 daqiqadan 1-2 daqiqagacha;

chaqiruvni brigadaga yetkazish vaqti 10-20 daqiqadan 1-2 daqiqagacha;

tez tibbiy yordam mashinalarining yetib borish vaqti Toshkent shahrida 20-30 daqiqadan 10-15 daqiqagacha, olis, chekka va tog‘li hududlarni hisobga olgan holda 10-40 daqiqagacha;

tez tibbiy yordamning kechikishi 15% dan 8-9% gacha qisqarishiga erishildi.

Yandex Uzbekistan kompaniyasi bilan hamkorlikda Toshkentda 2025 yil avgust oyida fuqarolarga o‘z chaqiruvi bo‘yicha tez tibbiy yordam brigadasi qayerda ekanligi va yetib kelishini ko‘rish imkonini beruvchi funksional sinov tariqasida ishga tushirildi. Bu Toshkent shahri aholisidan takroriy chaqiruvlar sonini 87 foizga qisqartirish va Call-markaz operatorlari yuklamasini sezilarli darajada kamaytirish imkonini berdi.

Bundan tashqari, Yandex Maps geokoderi APIsi dispetcherlarga brigadalarga aktual manzillarni uzatish imkonini beradi. Agar kerak bo‘lsa, SMS olgan foydalanuvchilar manzilni to‘g‘ridan-to‘g‘ri xaritada o‘zgartirishlari ham imkoniyati paydo bo‘ldi.

“Biz har doim hamkorlikka ochiqmiz va texnologiyalarimiz hamkorlarga jamiyat uchun muhim vazifalarni hal qilishda yordam berayotganidan xursandmiz. Respublika tez tibbiy yordam markazi Yandex Maps API asosida o‘z yechimini juda tezkorlik bilan joriy etishga va ajoyib natijalarga erishishga muvaffaq bo‘ldi" - dedi Yandex Uzbekistan‘ning strategik rivojlanish bo‘yicha vitse-prezidenti Sardor Qodirov.

Yechimni yaqin kelajakda butun O‘zbekiston hududiga ommalashtirilishi rejalashtirilmoqda.