Qozog‘istonda tashqi siyosat sohasida kadrlar almashinuvi sodir bo‘ldi

Toshkent, O‘zbekiston (UzDaily.uz) — Murat Nurtleu tashqi ishlar vaziri lavozimidan ozod etilib, Qozog‘iston prezidentining xalqaro investitsiyalar va savdo hamkorligi masalalari bo‘yicha yordamchisi etib tayinlandi.

Yangi tashqi ishlar vaziri lavozimiga Yermek Kosherbayev tayinlandi. U shu paytgacha bosh vazir o‘rinbosari lavozimida faoliyat yuritgan.

Yerjan Ashikbayev Qozog‘istonning AQSHdagi elchisi lavozimidan ozod etildi.

Yerlan Alimbayev Qozog‘istonning Jenevadagi BMT bo‘linmasi va boshqa xalqaro tashkilotlar huzuridagi doimiy vakili lavozimidan ozod qilindi.

Yerjan Kazixan Qozog‘istonning Jenevadagi BMT bo‘linmasi va boshqa xalqaro tashkilotlar huzuridagi yangi doimiy vakili etib tayinlandi. Bunga qadar u Qozog‘iston prezidentining xalqaro masalalar bo‘yicha yordamchisi lavozimida faoliyat yuritgan.

Zulfiya Suleymenova prezident maslahatchisi - Qozog‘iston prezidentining xalqaro ekologik hamkorlik bo‘yicha maxsus vakili lavozimidan ozod etildi.