“Qamchiq” dovonida qor ko‘chkilarining oldini olish ishlari olib borilmoqda

Toshkent, O‘zbekiston (UzDaily.uz) — “Qamchiq” dovonida Favqulodda vaziyatlar vazirligi xodimlari qor ko‘chkilari yuzaga kelishining oldini olish bo‘yicha ishlar olib bormoqda, deb xabar qildi idora matbuot xizmati.

Favqulodda vaziyatlar vaziri Azizbek Ikromov voqea joyidagi xavfsizlik jarayonini shaxsan nazorat qilmoqda.

Xavfni bartaraf etish ishlariga Favqulodda vaziyatlar davlat xizmatining kuch va texnikalari jalb etilgan.

Ayni paytda mutaxassislar yo‘l qatnovi uchun xavfni kamaytirish maqsadida qor qoplamiga o‘q otish orqali qor ko‘chkilarini majburiy tushirish usullarini qo‘llamoqda.