“Qamchiq” dovonida FVV qutqaruvchilari yo‘l-transport hodisasida jabrlangan haydovchiga yordam ko‘rsatdi

Toshkent, O‘zbekiston (UzDaily.uz) — 7 mart kuni kechqurun “Qamchiq” dovonida Favqulodda vaziyatlar vazirligi xodimlari yo‘l-transport hodisasiga uchragan haydovchiga yordam ko‘rsatdi.

Maxsus qutqaruv uskunalari yordamida mutaxassislar jabrlanuvchini yuk avtomobili kabinasidan chiqarib olib, uni tez tibbiy yordam brigadasiga topshirdilar.

Dastlabki maʼlumotlarga ko‘ra, haydovchi shifokorlar nazorati ostida bo‘lib, uning ahvoli qoniqarli deb baholanmoqda.