Oʻzbekiston va Vengriya sud tibbiyoti sohasida hamkorlik qilishga kelishib oldilar

Toshkent, O‘zbekiston (UzDaily.uz) — Akbar Tashkulov xizmat safari doirasida Vengriya sud-ekspertiza instituti direktori Marton Lontai bilan uchrashib, sud-ekspertiza faoliyatini isloh qilish, sohaga zamonaviy texnologiyalarni joriy etish, infratuzilmani modernizatsiya qilishga qaratilgan chora-tadbirlar muhokama qilindi.

Shuningdek, X.Sulaymonova nomidagi Respublika sud ekspertizasi markazi faoliyati xalqaro standartlar, jumladan, ISO/IEC 17025 talablariga to’liq muvofiq tashkil etilgani, sohani raqamlashtirish va sunʼiy intellektni joriy etish, kiberjinoyatchilikka qarshi kurashish va ilmiy-tadqiqot salohiyatini rivojlantirish masalalariga alohida urg’u berildi.

Markazning xalqaro ekspert tarmoqlarida faol ishtirok etishi hamda 2028-yilda Samarqand shahrida AFSNning 20-yigʻilishi oʻtkazilishi qayd etildi.

Uchrashuv yakunida tomonlar O’zbekiston va Vengriya sud ekspertiza tuzilmalari oʻrtasida memorandum imzolash orqali amaliy hamkorlikni yoʻlga qoʻyishga kelishib olindi.