Ўзбекистон ва Қувайт ташқи ишлар вазирлари Яқин Шарқдаги вазиятни муҳокама қилишди

Toshkent, O‘zbekiston (UzDaily.uz) — 1 март куни Ўзбекистон Республикаси ташқи ишлар вазири Бахтиёр Саидов Қувайт Давлати ташқи ишлар вазири Шайх Жарраҳ ас-Сабаҳ билан телефон орқали суҳбатлашди.

Томонлар Яқин Шарқдаги воқеалар юзасидан фикр алмашдилар. Сўнгги воқеаларни инобатга олган ҳолда, вазир Саидов Ўзбекистон Республикаси Президенти Шавкат Мирзиёев номидан Қувайт раҳбарияти ва халқига самимий ҳамдардлик билдирди.

Суҳбат давомида давлат суверенитети ва ҳудудий яхлитлигини ҳурмат қилиш муҳимлиги, шунингдек, барча юзага келадиган муаммоларни фақат тинч, сиёсий ва дипломатик йўллар билан, халқаро ҳуқуққа тўлиқ мувофиқ ҳолда ҳал қилиш зарурлиги таъкидланди.