Oʻzbekiston va Qirgʻiziston tashqi ishlar vazirlari strategik sheriklikni mustahkamlash masalalarini muhokama qilishdi

Toshkent, O‘zbekiston (UzDaily.uz) — 14-yanvar kuni Oʻzbekiston Respublikasi tashqi ishlar vaziri Baxtiyor Saidov Qirgʻiziston Respublikasi tashqi ishlar vaziri Jeenbek Kulubayev bilan telefon orqali suhbatlashdi.

Tomonlar boʻlajak ikki tomonlama va koʻp tomonlama tadbirlar kun tartibi boʻyicha fikr almashishdi, Oʻzbekiston-Qirgʻiziston munosabatlarining hozirgi holatini muhokama qilishdi va mamlakatlar oʻrtasidagi strategik sheriklikni yanada mustahkamlash va rivojlantirish boʻyicha aniq qadamlarni koʻrib chiqishdi.

Vazirlar hamkorlikni konstruktiv va istiqbolli tarzda rivojlantirishga sodiq ekanliklarini yana bir bor tasdiqladilar.