Oʻzbekiston va Proton avtomobilsozlik sanoatidagi yangi loyihalarni muhokama qilishdi

Toshkent, O‘zbekiston (UzDaily.uz) — 10-noyabr kuni Investitsiyalar, sanoat va savdo vaziri Laziz Kudratov “Proton Holdings” kompaniyasi vitse-prezidenti Aynol Azmil bin Abu Bakar bilan uchrashdi.

“Proton Holdings” — Malayziyaning milliy avtomobilsozlik kompaniyasi bo‘lib, 1983-yilda mamlakatning birinchi milliy avtomobil brendi sifatida tashkil etilgan. Kompaniyaning bosh ofisi Selangor shtatida joylashgan.

Muzokaralar davomida O‘zbekistonning sanoat salohiyatini mustahkamlash va yangi ish o‘rinlarini yaratishga qaratilgan hamkorlik loyihalarini amalga oshirish hamda sheriklik munosabatlarini kengaytirish istiqbollari muhokama qilindi.