Oʻzbekiston va Ozarbayjon tashqi ishlar vazirlari Naxchivonga qilingan hujumlarni muhokama qilishdi

Toshkent, O‘zbekiston (UzDaily.uz) — Oʻzbekiston tashqi ishlar vaziri Baxtiyor Saidov Ozarbayjon tashqi ishlar vaziri Jeyhun Bayramov bilan telefon orqali suhbatlashdi.

Suhbat davomida uning ozarbayjonlik hamkasbi Naxchivon avtonom Respublikasi hududiga yaqinda sodir etilgan, tinch aholi orasida qurbonlar va fuqarolik infratuzilmasiga zarar yetkazilgan dron hujumi haqida batafsil maʼlumot berdi.

Tomonlar ushbu hujumlar yuzasidan jiddiy xavotir bildirishdi va xalqaro huquq tamoyillariga zid boʻlgan va boshqa davlatning suvereniteti va hududiy yaxlitligini buzadigan harakatlarning qabul qilinishi mumkin emasligini taʼkidladilar.