Oʻzbekiston va Italiya Rimda turizm va madaniy aloqalarni rivojlantirish masalalarini muhokama qilishdi

Toshkent, O‘zbekiston (UzDaily.uz) — Rim shahrida O‘zbekiston Madaniyat va san’atni rivojlantirish jamg‘armasi raisi Gayane Umerova hamda Italiya Respublikasi turizm vaziri Daniela Gannero Santankе o‘rtasida uchrashuv bo‘lib o‘tdi.

Tomonlar O‘zbekiston va Italiya o‘rtasida turistik aloqalarni rivojlantirish, shuningdek, turizm va madaniyat yo‘nalishlarida hamkorlik imkoniyatlarini kengaytirish borasidagi o‘zaro qiziqishni bildirdilar.

Muloqot davomida turizm sohasining amaliy yo‘nalishlari — turoperatorlar bilan ishlash, mehmonxona sanoati faoliyati, shuningdek, kasbiy tajriba almashinuvi kabi masalalar muhokama qilindi.

Madaniy tashabbuslarning turistik yo‘nalishlarga barqaror qiziqish uyg‘otish va ikki davlatning tegishli soha vakillari o‘rtasida hamkorlikni mustahkamlashdagi muhim o‘rni alohida ta’kidlandi.