Oʻzbekiston va Ispaniya parlamentlararo muloqotni kengaytirish masalalarini muhokama qilishdi

Toshkent, O‘zbekiston (UzDaily.uz) — Madridda Oʻzbekiston tashqi ishlar vaziri Baxtiyor Saidov Ispaniya Senati raisining birinchi oʻrinbosari Xaver Ignasio Maroto bilan samarali uchrashuv oʻtkazdi.

Muzokaralar davomida tomonlar parlamentlararo muloqotni mustahkamlash va ikki mamlakat qonun chiqaruvchi organlari oʻrtasida muntazam almashinuvlarni rivojlantirish masalalarini muhokama qilishdi.

Tomonlar faol ravishda amalga oshirishni niyat qilgan iqtisodiy diplomatiya salohiyatiga alohida eʼtibor qaratildi.

Chuqur tarixiy ildizlarga ega Oʻzbekiston va Ispaniya oʻrtasidagi sheriklik oʻzaro hurmat, ishonch va umumiy qadriyatlar asosida rivojlanishda davom etishi taʼkidlandi.