Oʻzbekiston va Fransiya hamkorlikni rivojlantirish va xalqaro masalalarni muhokama qilishdi

Toshkent, O‘zbekiston (UzDaily.uz) — 28-yanvar kuni O‘zbekiston Respublikasi tashqi ishlar vazirining birinchi o‘rinbosari Baxromjon A’loyev Fransiya Respublikasining mamlakatimizdagi Favqulodda va Muxtor Elchisi Ualid Fuk bilan uchrashuv o‘tkazdi.

Muzokaralar davomida O‘zbekiston-Fransiya munosabatlari kun tartibidagi dolzarb mavzular, ikki tomonlama hamkorlikni yanada rivojlantirish istiqbollari hamda xalqaro masalalar yuzasidan fikr almashildi.